The famous Ethiopian artist Solomon Alemu passed away in Addis Ababa.
According to reports from Ethiopia , the playwright, actor, author and poet Solomon Alemu died of illness .
Famous for his roles on stage , radio and TV dramas, Solomon was one of the prominent figures in Ethiopia’s entertainment industry .
ፀሀፊ ተውኔት ፤ ገጣሚ ፣ ደራሲና ተዋናይ ሰለሞን አለሙ ከዚህ አለም በሞት ተለየ።
ፀሀፊ ተውኔት ፤ ገጣሚ ፣ ደራሲና ተዋናይ ሰለሞን አለሙ ከአንድ አመት በላይ በኢትዮጵያ ሬዲዮ ተላልፎ የነበረው የሸምጋይ ተከታታይ የሬዲዮ ድራማ ደራሲ ነበር ፡፡ በተለምዶ በአብዬ ዘርጋው ስም በሚታወቀው ሸምጋይ ተከታታይ የሬዲዮ ድራማው ሰለሞን የበልሁን ገፀ ባህሪ ወክሎ ተጫውቷል ፡፡ በህይወት ዘመኑ ድንቅ ብቃትና ተሰጥኦውን ያስመሰከረ እና በርካቶችን ያፈራ የጥበብ ባለሙያ ነው ፡፡ በአምስት ቋንቋዎች ከ500 በላይ የሬዲዮ እና ቴሌቪዢን ድራማዎችን ፤ የመድረክ ቴአትሮችን ፤ በተከታታይ እስከ ሁለት አመትና ከዚያ በላይ ርዝመት ያላቸው ጭውውቶችን ፤ እና መነባንቦችን የሰራ የጥበብ አባት ነበር ፡፡
ከዳንኪራው ጀርባ ፤ ፍራሽ ሜዳ ፤ የሁለት አለም ሰዎች ፤ ግርዶሽ ፤ ገመዱ ፤ ሰው ለሰው ፤ ድብልቅልቅ ፤ በድሉ ግራኙ ፤ አዙሪት ፤ ፅናት ፤ ወዘተ ከፀሀፊ ተውኔት ከደራሲ ፤ እና ተዋናይ ሰለሞን ዓለሙ ቀደምት ድርሰቶች መካከል የሚጠቀሱ ናቸው ፡፡ በአስመራና አዲስ አበባ እንዲሁም በየክልሉ ተዘዋውሮ የሰራቸው ስራዎች እና ሙያዊ ስልጠና ሰጥቶ ለፍሬ ያበቃቸው ጥበበኞች በርካታ ናቸው ፡፡ ሰለሞን በቅርቡ ባደረበት ሕመም በሕክምና ሲረዳ ቆይቶ ከዚህ ዓለም በሞት ተለይቷል ፡፡ በፀሀፊ ተውኔት ፤ ገጣሚ ፣ ደራሲና ተዋናይ ሰለሞን አለሙ ህልፈተ ህይወት ነፍስ ይማር ፡፡ ለሙያ አጋሮቹና ለቤተሰቡ ፈጣሪ መፅናናትን ይስጣቸው
Source Berhanu Gebremariam.
